好饱。

我习惯食走我D坏心情。

妈妈好难得翻GZ一次，煲左煲鲍鱼猪骨煲鸡。距就陪住我度过今晚。

今晚屋企得我一个，暂时好静，知道阵间又系场腥风血雨，宜家要好好奢侈下。因为又可能以后都唔会响呢边屋度写野。

话说娘亲去赴鸿门宴，摆其上台者系我外公=距老豆。

In short: 外公个继仔、继新抱、契女，3个十年都未出现个既人突然翻来敬老。

实质：翻来争屋。

由细到大我都唔明白呢几十平方有咩甘值得几代人尔虞我诈。

宜家更唔想去浪费脑细胞。

自己同自己讲：努力稳钱，买过间俾云姐。

有D不忿既系，感觉上又被背叛多一次。

同外公住左将近15年，轻轻感受到小小从未感受过既父爱，又整获杰野我同娘亲叹。

Auntie Jane 讲得好到肉：男人断气果秒都系捻住女人。

唔愿意明白点解甘老都仲入花丛。

由细到大，外公都唔知戒过几条女，道理上我应该习惯，今次我都应该要睇开。

准确来讲应该系体谅。

OK，响人类学角度，我原谅距、理解距。

但社会学角度，替代式既父爱灰飞烟灭，我不得不不再在乎距。

你还能让我怎样呢？

阿妈成日讲：血浓于水，亲情。

我反问：呢D系咩亲戚来噶？！

我唔奢望边位直系亲属可以毫无怨言甘帮我Cover 3，4万卡数。

至少俾个似样既家我。

似样：不求有功，但求无过。至少唔好日日吵交。

每次听到：打是情，骂是爱。我已经干呕。

你地甘多情甘多爱，留翻俾出面D二奶、八姨太。

我好惊吵交，吵吵下就变暴力事件。

我仲记得屋企个厅成摊血。

甘多血唔捐D去Red Cross？

无喊啊我，因为我要求个天，希望分得出胜负，甘以后就无纷争。

最好出人命，系我死都唔紧要噶。

每次屋企人吵交都可以以我为源头，我扑亲要闹，我唔记得开灯要吵，我夜小小翻屋企话我衰唔切。

我祈求响10岁生日果阵，个天会派D天使来解脱我。

无实现到，所以近几年我都唔许愿咯。