加载中…
个人资料
张家辉
张家辉
  • 博客等级:
  • 博客积分:0
  • 博客访问:335,442
  • 关注人气:675
  • 获赠金笔:0支
  • 赠出金笔:0支
  • 荣誉徽章:
相关博文
推荐博文
谁看过这篇博文
加载中…
正文 字体大小:

真真相

(2007-08-16 00:58:05)
标签:

明星动态

虽然我唔系一个想拯救地球嘅人,但我仍想同大家分享一个敏感嘅话题——抑郁症。喺我哋嘅生活当中,无论喺有型无型下,都承受住唔同嘅压力,喺长期受压嘅生活当中,你、我或者佢,我都相信有住不同程度嘅抑郁。而演员更不在话下,第一场死老豆,第二场识咗个心仪嘅女孩子,第三场死阿妈,第四场结婚,第五场死多次老豆(重拍),第六场生仔……喺娱乐圈,忧虑无观众缘、怕无戏拍、怕得失人、唔敢表达、惊唔红、红咗又怕无私隐。识得朋友多,又怕畀人利用,识得人少又孤独,想去滚又怕遇到CoCo。演员嘅结果只有一个——痴梗,但程度因人而异。

 

抑郁并唔一定系情绪低落,狂躁都系抑郁嘅一种,而我就两种都有,比例相信有6-7分低落,3-4分躁狂吧;而镇宇就只有躁狂,飞低落(唔好意思镇宇,爆你嘢)。而一向嘅我都系喺呢种环境下生活,仍支持得住,但经过红河一役后(详情refer《真相》)情况加深,回港后三番四次以为以自己意志可战胜呢种情绪低落、多疑、无动力、脚冻、失眠,结果都系要去睇专科医生。

 

喺等睇医生嘅时候,仍遇到一啲喺医生房出嚟等攞药嘅病人,心里面谂,佢哋系唔系精神病,会做出一啲出人意表嘅举动呢?回心一想,可能佢哋都系咁样睇我,但我坚信自己系正常嘅,我系特别坚强嘅,我系……而见医生后了解到好多有关抑郁症嘅知识,首先我被证实患上轻度抑郁,其次亦证实我绝不能用意志力去征服呢个病。医生解释人脑里面有好多条管理不同情绪嘅血清素,其中抑郁亦有两条,人经过长时间压力、唔开心、遇难题等,就会令血清素降低,血清素降低后,只能以药物将佢提升至正常水平,意志no way。而断症亦只可以喺言语沟通上得来嘅病症嚟判断,除此之外亦可以喺后脑抽取血液化验,但因为太危险,只会喺啱啱死去嘅抑郁病人身上抽取;第二种就系抽骨髓,哗!好痛!都系倾谈较安全吧!而最放心就系听到医生讲,其实抑郁症好普通,好多人都有,得到适当医治,亦好快复原。听到呢度都好咗一半,当然我仍然需要接受治疗,而最欣慰嘅就系医生话聪明人先容易患上……

 

其实以上嘅感受,纯属个人,我最想讲嘅都系大家唔好因为呢个病症嘅种类而畏疾忌医。人出世后,长出头发一刻已开始有烦恼,有压力都系睇开一啲啦!但当然有啲经历、际遇或种种,令我哋喘不过起来,不知如何是好。放心啦!事情总会过去,而情绪平衡嘅方法有多种,有人从信仰中得到心灵慰籍,亦有人放得好开,就让事情过去,当无发生过一样。当然以上两种方法都唔得嘅话,就应该即刻去睇医生喇。

0

阅读 评论 收藏 转载 喜欢 打印举报/Report
前一篇:真相
后一篇:Hi
  • 评论加载中,请稍候...
发评论

    发评论

    以上网友发言只代表其个人观点,不代表新浪网的观点或立场。

    < 前一篇真相
    后一篇 >Hi
      

    新浪BLOG意见反馈留言板 电话:4000520066 提示音后按1键(按当地市话标准计费) 欢迎批评指正

    新浪简介 | About Sina | 广告服务 | 联系我们 | 招聘信息 | 网站律师 | SINA English | 会员注册 | 产品答疑

    新浪公司 版权所有