加载中…
个人资料
尹大为
尹大为
  • 博客等级:
  • 博客积分:0
  • 博客访问:45,008
  • 关注人气:65
  • 获赠金笔:0支
  • 赠出金笔:0支
  • 荣誉徽章:
相关博文
推荐博文
谁看过这篇博文
加载中…
正文 字体大小:

“天真妹”洪晃

(2006-05-10 10:19:04)

“天真妹”洪晃

文/尹大为 《申江服务导报》06.5.8

  前几年去北京,跟陈丹青一淘到刘索拉屋里去白相,一大帮子人,里厢就有洪晃。上海人欢喜精致,对迭那长相的人实在不大会有啥印象。
  迭趟,洪晃到上海来参加电影首映,顺带便拉伊到《三人麻辣烫》来做嘉宾。来之前,吾看到上海报纸采访洪晃,追劳伊穷问博客高头“前夫和馒头”个问题,伊全部推脱不接受采访。吾心里吓咝咝,不晓得阿拉节目问伊,伊会翻毛腔口伐?
  伊来了,还是笑嘻嘻。听到《麻辣烫》可以讲上海闲话,伊两眼放光:“‘洋泾浜’上海话可以吗?”再好也没了。一坐下来,伊就兴奋得手舞足蹈,屁股上像装了弹簧,讲闲话像开机关枪:“我也是白相相,为啥人家好白相,我就不好白相?我不会因为我自家原来错嫁过一趟人,就不讲闲话了。对吗……我就胡闹,我就玩了,怎么着了?本来也没有人把我当淑女。这事我还就非说不可了!”看到迭副腔水,心里一颗石头落地了。
  伊个姆妈、爹爹都是上海人,听是没问题,讲个辰光晓得是迭几个字,就是发音四声有眼混乱。伊一歇歇普通话,一歇歇上海话,吃不准个字,会得讲得老慢,好像特别来了强调。林栋甫、沈宏非边笑边纠正伊,伊也无所谓,照样笑嘻嘻“洋泾浜”哇啦哇啦,实在滑稽。节目里讲到“白相”,沈宏非就讲上海老底子有种“白相人”,洪晃就问啥个叫“白相人”?林栋甫解释:“迭种人侬不要搞伊拉白相,侬要被伊白相个。”伊反问:“侬迭能讲,吾吓死了。各么侬是白相人口伐?”沈、林马上否认:“阿拉是白相相,勿是白相人。白相人自家是不白相个。”洪晃笑嘻嘻讲:“哦,阿拉三个人来了一道是白相相。咳,吾老是被人家白相,戆吼吼个。”伊装出老委屈个样子。实在不晓得,到底啥人白相啥人……
  讲到南北女人区别,洪晃讲自己是典型北方性格:“上海女人虽然比我们嗲,比我们可能更招男人喜欢,但是我们爽,爱谁谁,管不着那么多事。谁没事做了跟你发嗲?逗你乐?没空!”林栋甫问:“侬如果老欢喜一个男的,侬为了表示很有风度,侬一般哪能表达?”洪晃想了想,勒么生头举起手,喇一记朝林栋甫个右肩胛拍下去:“哥儿们,你不错呀你!”林呆脱了,哭笑不得。
  录好像,吃饭。洪晃自言自语:“我妈妈、爸爸多漂亮啊,那气质,咳,我长这样真不知道像谁?后来,我想明白了,你知道我像谁?”大家面面相觑。“我像———马季!”
  一台子人笑翻。
  洪晃来的那期收视率达到当天文艺频道第一位,创了新高。有位观众在《麻辣烫》博客上留言:“哈欢喜洪晃,聪明的来,要勿是伊额皮肤勿大灵,简直想亲伊一记!”

0

阅读 评论 收藏 转载 喜欢 打印举报/Report
  • 评论加载中,请稍候...
发评论

    发评论

    以上网友发言只代表其个人观点,不代表新浪网的观点或立场。

      

    新浪BLOG意见反馈留言板 电话:4000520066 提示音后按1键(按当地市话标准计费) 欢迎批评指正

    新浪简介 | About Sina | 广告服务 | 联系我们 | 招聘信息 | 网站律师 | SINA English | 会员注册 | 产品答疑

    新浪公司 版权所有