好攰...今次真系好攰...比任何一次叫攰嘅时候都要攰...

够了..金星逆行嘅作用力以家先发作.睇怕真系要同月食一齐上先另我以家咁混乱..

有人同我讲过.唔好咩都话关星座事.好吧.唔算.

只系最近因为稳翻以前日记嘅锁匙而发展出一堆回忆..先再次记得,曾经嘅自己有几疯狂.幼稚.同无聊..而以家嘅自己标榜有几成熟,都只系另外一种形式嘅自以为是而已...

好多曾经出现系我生活里面嘅人,我都记得..

小学个一堆男仔F.因为细个.而玩过好多以家睇翻都觉得疯狂嘅事.小孩子嘅感情,都有认真嘅成分..我唔会否认.

初中单恋过嘅人.系另外一堆无奈接受我幼稚疯狂嘅人..其实我都唔知以前点解咁勇了..

而特别特别嘅.系某人.我地系埋一齐嘅一年.系我呢一世最最单纯而快乐嘅一段感情..认真执着天真.我曾经以为我地会一直一直一齐嘎..不过真系发生佐好多事.都系因为我地都太细个.始终无办法一直到以家..其实一直欠你一句:对唔住...仲有多谢...你系个好好嘅男仔.我到以家都系咁觉得...

职中沉寂2年之后遇见佢..呢一世最最最愛嘅人..2年前嘅今日..我呢一世都记得..我真系好想翻去.但系无办法..我只可以一次又一次咁回忆我地最美好嘅时光...我只想,你一直幸福...

而到以家嘅我.心里面最快念到嘅人.已经系第个了..但系呢个人并无办法另我奋不顾身..因为佢伤害过我.因为佢一直若即若离.因为佢系一个坏人...

我真系好攰了..究竟边个先系戏子?系你对我演住你嘅戏码,定系我一直演住我嘅卖笑?每日每日扮演你嘅红颜知己,听你讲你身边嘅女仔.仲要笑住问点吖然后呢?真系好攰...我一D都唔想听!一D都唔想知!我问,都系想知,你有无中意边个...好无聊.好幼稚.但系我演得好好.无人知道我根本唔想...一边演.一边怕..怕有日你忽然对我讲,你稳到第个对手.唔再需要同我演暧昧嘅戏...呢场戏,边个先系导演,边个先系编剧,边个先系演员?...我需要休息.我唔演了..够了.

好乱.好攰.咩都唔想念...

戏子都需要面对自己.其实我唔系一个时刻都真心笑得出嘅人.但系我有官方笑容.可以系人地见到我嘅时候都见到我笑得最好嘅一面...

我要休息.唔系逃避.我休息够就会翻黎..