加载中…
个人资料
如舸斋王依民
如舸斋王依民 新浪个人认证
  • 博客等级:
  • 博客积分:0
  • 博客访问:296,283
  • 关注人气:448
  • 获赠金笔:0支
  • 赠出金笔:0支
  • 荣誉徽章:
相关博文
推荐博文
谁看过这篇博文
加载中…
正文 字体大小:

山歌九  雜 詠 長 歌

(2008-08-16 14:51:02)
标签:

山歌

冯梦龙

明代民歌

文化

分类: 自校纯文本古籍

山歌九  雜 詠 長 歌

[陳媽媽(以下俱曲白間用)]

陳家媽媽有人緣,風月場中走子幾呵年。(白)小阿奴奴名頭雖然人盡曉得,只弗知我起先箇族譜相傳。我出身元是湖州箇大細,當初跟隨子織女天仙。弗匡道沉埋,得我更箇淩替。喫箇姐兒扯到身邊,淹流到那間箇時節,弄得我忒弗新鮮。我先前是紅娘子結親時掛歇箇星錦帳,又是綠衣郎登科時穿舊箇星藍衫。到如今再捉我做子被頭裏箇抹布,常搭我風流所在去纏綿。濕時節好像海蜇箇風味,乾時節像荷葉樣箇藍班。縐瞞瞞像廚司公湯碗裏箇紫菜,醃■{羊達}■{羊達}咦像湖廣客人鹽醬筒裏爛丟丟箇星*魚乾。撞着子新做親介星頑皮精姐姐,日夜捉我搭來拈弄。遇着子私窠子會摟打箇星娘娘,也弗住介累得我腥羶。壯羅多,油碌碌,新出籠饅頭能箇樣物事,在上游了遊,到有星滋味。骨棱層,瘦乖乖,霍在肉上箇樣東西在上繳了繳,再惹得我介■{月茲}腌。有介騷離離掀格臘箇樣寡婦,時常捉我■{扌老}■{扌老}。又有箇極妖嬈最風趣箇樣尼姑,盡捉我來牽牽。黑松林底下我弗知看子若干箇光景,肚家場當中也喫我遊玩得子介千千。玉門關上週迴四遭替渠箇巡哨,毛將軍玉柱上頭下頭也替渠着根介週旋。雙膀彎裏我常常在搭風流飄蕩,籠鬚蓆底下也喫我睏得介安閒。箇星輕薄後生見面弗得介捉我取笑,我笑渠無我了你濕搭搭■{冉阝}得介安眠。*獨喫湖州親眷常來替我合嘴,虧殺子湯家姐姐替我合得人緣。■{冉阝}間我裏情哥贈我介隻曲子,你儂替我唱搭去宣宣。(皁羅袍)媽媽從來堪羨,伴佳人才子暮寢朝眠。任他結下好姻緣,遇咱纔卸得相思擔。色非紅紫,香非麝蘭。合歡帳裏,鴛鴦枕邊。論功勞咱是箇親篾片。(歌)我喫箇淹潤着人了還子多少風流債,雨散雲收做一團。

*第407頁。

*第408頁。

[門神]

結識私情像門神,戀新棄舊忒忘情。(白)記得去年大年三十夜,捉我千刷萬刷,刷得我心悅誠服。千囑萬囑,囑得我一板箇正經。我雖然圖你糊口之計,你也敬得我介如神。我只望替你同家*日活,撐立箇門庭。有介一起輕薄後生捉我摸手摸腳,我只是聲色弗動。並弗容介箇閒神野鬼,上你搭箇大門。我為你受子許多箇烹風露水,帶月披星。看破子幾呵箇簷頭賊智,聽得子幾呵箇壁縫裏箇風聲。你當先見我顏色新鮮■{冉阝}亨介喝彩,裝扮得花噪加倍介奉承。■{冉阝}間帖得筋皮力盡,磨得我頭鬢蓬塵。弗上一年箇光景,只思量別戀箇新人。你看我弗像箇士女,我也道是你弗是箇善人。就要撚我出去,弗匡你起介一片箇毒心。遇着介箇殘冬臘月,一刻也弗容我留停。你拿箇冷水來潑我箇身上,我還道是你取笑。拿箇筅箒來支我,我也只弗做聲。扯破子我箇衣裳只是忍耐,攋破子我箇面孔方纔道是你認真。我喫你刮又刮得介測*賴,鏟又鏟得介盡情。屈來,我喫你介場擦刮了去介,你做人忒弗長情。我有介隻曲子在裏到唱來你聽聽:(玉胞肚)君心忒忍,戀新人渾忘舊人。想舊人昔日曾新,料新人未必常新。新人有日變初心,追悔當初棄舊人。(歌)姐道我箇郎呀,■{冉阝}間我看你搭大門前箇前船就是後船眼,算來只好一年新。

*第409頁。

*第410頁。

[鞋子]

姐兒生來鞋子能,身上花苗顏色精,喫箇搭襪纏箇情。郎看見子我,整日在面前引了引。(白)引了引,引了引,一日裏上子我大門。渠見子我迷花笑眼,我聽渠說話也到知音。驚我松江尤墩襯裏,外蓋綢段簇新。愛我口兒緊括,喜我淺面低跟。又弗比靴頭樣*趬嘴趬臉,又弗像急棚棚箇樣河豚。也弗論價錢多少,開子銀包便稱。當時成子交易,對合着袋子了就奔。一走走到半路,我自家肚裏躊論。看子後生十分像意,弗知■{冉阝}亨箇家門。原來是好人家腳氣,弗是箇樣打弗穿箇腳跟。廳堂才是平洋洋箇磚地,房裏又是光滑滑箇地平。我指望搭渠一夫一婦,囉得知先有子四箇寃魂。陳橋阿媽見子我一歇上頭篤嘴篤臉,蕩口娘娘見子我努眼凸睛。西山頭姨姨看見子我鄉談弗絕,六葱姐見子我市語連聲。一箇說我漿丟頭箇遲貨,一箇說我還復箇弗是真身。一箇說我客料比弗得松江箇有趣,一箇說我一出貨到弗得南京轎夫營箇絕精。我受子介番批點,氣子一箇黃昏。且耐過子今夜,看大官*人明朝■{冉阝}捉我看承。巴得大天白亮,只聽得閛閛響介敲門,再是三兄四弟拉我裏官人去遊春。聽聽我裏箇說道要帶我同走,慌忙隨子渠子起身。到處游山玩景,弗曾離箇腳跟。我只道一生之事,囉匡弗大長情。弗管天晴雨落,捉我亂步亂奔。兼之黃昏早晚,丟丟丟丟弄得我溥嘴溥面蹭跟。舊時捉我做出人前賣俏箇粧扮,■{冉阝}間捉我做箇通房拖腳看成。冷清清踏板上好一分無興,耍來頭現在渠搭四箇寃魂箇眼睛,我喫忍氣弗過,唱隻曲子來你聽聽:(駐雲飛)我是綢絹通身,舉步生風前後雲,裏外多幫襯,行動都齊整。嗏,只為足下欠真誠,腳斜不正。弄得我頭綻跟穿,齷齪無乾淨。如今箇棄舊憐新惱殺人,罵你胡行老腳跟。(白)郎*君聽得子箇隻曲子,床上一箇番身。會,你正弗說自家弗是,到罵我棄舊憐新。你當初精精緻致,■{冉阝}間烏皁泥涇。當初光頭滑面,■{冉阝}間毛頭精形。且沒說你多呵弗好,就是你唱箇隻曲子阿一介難聽。你■{冉阝}弗學六葱介省事,西山介儉純。■{冉阝}弗學蕩口介細膩,陳橋介老成。你既是寃三攋四,還你介箇整舊如新。只見明朝叫住子介箇鎮江皮匠,打子四箇■{上厶下川}子兩箇硬跟。拿我准來渠子,挑子我了行程。一搇搇我在籮頭裏子,我思量箇一出去也無造化做箇娘子夫人。跟子皮匠雖是肩挑步擔,一夫一婦死也甘心。細皮薄切將就過子日子,只要匾擔同心。囉得知箇箇臭賊囤子裏販賣,原來介出整舊如新。熱湯捉我洗洗,也是箇道理,冷水沒頭介一*淋。石塊能介箇■{革宣}頭,對子我肚裏一塞,硬板刷擦得我性命難存。連鎚再鎚鎚得我介要緊,只苦得三尺蔴繩。反匠聽得子我說又道是我怨命,倒轉子■{革宣}頭一連七八擊打得我消魂。(歌)奉勸姐兒沒要自道是腳力大,就是拖腳蒲鞋還勝子左嫁人。

吳語“再醮”曰“左嫁人”。左,俗音際。

*第411頁。

*第412頁。

*第413頁。

*第414頁。

[鑊子]

姐兒生來鑊子能,一生口厰也無心。喫箇木頭能介箇家公差配子我,整日教我悶悶昏昏氣殺子人。(白)氣殺人,氣殺人,也無早起無黃昏,壓緊子我,弗放番身。有時拿我動火,熱炊炊也再有趣,殺子火,依先教我冷冷清清。大魚大肉拖來便油脂膈膩介是*我周捉,我何曾下口介一星。蝲撻了頭箇齷齪也倒耐子,餿酸箇阿婆辭勞一發難聽。過日子你搭多燒子介一把了燒子箇飯滯,倒說我饞癆了要喫,前月箇做分子燒難為子柴火,咦道是我蠻皮了弗替你搭當心。我裏阿公道是費柴費火了略拿箇灰鈀來動得介一動,你搭合家門一歇上底就彳彳亍亍嚇出子我精魂。拿使我掇出子門檻,推倒在庭心。拿箇熱鐵鏟來超子我介七八箇耳光,刮鑊鈀來打子我十數擊背心。鈸我搭轉來兜嘴介兩撞,又弗容我汪氣汪聲。我便火閘閘子介一晝,就是一杓冷水捉我渾身介一淋。我喫子更介鏟刮修削,教我■{冉阝}亨存身。我思量整日在廚房下轉過子箇日腳,何曾見箇光景,踏盡子竈前灰了■{冉阝}得有*箇超升。我那間喫氣弗過,生子介箇肚漏,身體熱了又燒破子嘴唇。補藥喫來無用,看看性命難存。屈來竈君菩薩,嗄到子介箇田地,還弗容我安寧。過子年三十夜,拿到圓爐上當箇火盆。咦要我支持拜節箇茶湯茶水,咦要我照管箇男兒大細箇點心。一到子正月半,你搭受子箇零碎銀子,咦要來我身上煎介箇煎餅。你搭自弗小心,喫箇白日撞偷子物事,你再去請子箇天地,紮子箇草人。糴子箇黃荳,也來打箇奴身,打得百踐粉碎,折開子我箇蓋老,賣來別人。換子一箇湯罐,倒找子渠銀子三分。上子野蠻子箇擔上,一挑挑出子閶門。(黃鶯兒)挑出■{冉阝}閶門,上新橋,望北行。冶坊浜裏家居近,姓王近村,三代有名,家中大小多得甚。細詳論,指*望一夫一婦,原來靠此做營生。(歌)安我來糞箕裏一丟丟子我來爐裏去,依先入子箇火坑門。

*第415頁。

*第416頁。

*第417頁。

[燒香娘娘]

春二三月煖洋洋,姐兒打扮去燒香。(白)鄉下人一味老實,城裏人十分介輕狂。屋裏精無一塌,硬三蠻極要行。便去央求對門知心媽媽,又央求隔壁着意箇娘娘:請你來再無別事,有一句知心話替你商量。我從小許子穹窿山香愿,至今還弗曾去了償。昨夜頭偶然得介一夢,三茆菩薩派我災殃。■{冉阝}間我要還還箇心願,百無一有難行。頭上少介兩件首飾,身上要介幾件衣裳。家公便道娘呀,目下無柴少米,做生意咦介無賺處箇孔方。春季屋錢要*緊,米錢又無■{亻奢}抵當。燒香雖則是箇好事,算來要費介二錢箇放光【白銀曰放光。】姐兒聽得子箇句說話,心火爆出子箇太陽。天災神禍罵子幾句,烏龜亡八也罵子千萬百聲。擡兒脁凳只聽得霹靂拍拉,碗盞壺瓶流水傾匡。(貓兒墜)天災神禍,打你大巴掌。誰許你胡言亂主張,我今立意要燒香。無狀。再開言,教你滿身青胖。(白)姐兒兇似老虎,家公奔似山獐。嚇倒子對門箇媽媽,踏痛子隔壁箇娘娘。兩人百般介解勸,聽我說箇衷腸。玉帝也弗離箇金殿,閨女也弗出箇繡房。官人也是做人家箇說話,並無半句派賴箇肚腸。(桂枝香)聽奴說訴,非奴之過。只因亡八無知,致使我心中發怒。把從前細數,從前細數。與他多年夫婦,幾見他撐持門戶,盡虧*奴。若不去還香愿,非為女丈夫。(白)姐道娘呀,無奈何,頭上嵌珠子天鵝絨雲髻,要借介一箇。芙蓉錦綾子包頭借介一方,蘭花頭玉簪要借一隻,丁香環子借介一雙。徐管家娘子有一箇金鑲玉觀音押鬢,陳賣肉新婦有兩隻摘金桃箇鳳凰。張大姐有箇塗金蝴蝶,李三阿媽借子點翠箇螳螂。四箇銅錢替我買條紅頭繩紮子箇螺螄,饒星鹿角菜來刷刷箇鬢傍。討一圓香圓肥皁打打身上,拆拽介兩根安息香熏熏箇衣裳。頭上便是介箇光景,身上■{冉阝}亨商量。借介件綿綢衫桃紅夾襖來襯裏,外頭箇單衫,弗拘荸桃青或是柳黃。花綢連裙洒線披風各要一件,白地青鑲靴頭鞋對腳膝褲各要一雙。再借一付洗白腳帶,一發稱副子箇衣裳。兩*人聽得吃生能介一笑,弗匡你介忒要風光。(駐雲飛)上告娘行,借物雖多僅不妨。感你多情況,教我難推讓。嗏,首飾共衣裳,管教停當。事事俱完,免掛心兒上。明日安心去進香。(白)姐兒道箇檔也算來是箇小事,我先脫箇小衣裳洗洗漿漿。打發兩人轉背,就央箇姑媽外甥。收捉銅杓注子兩件,同兩領補打箇衣裳。替我拿來典當裏去當當,買停當子紙馬牙香。蠟燭要介兩對,還要介一塊千張。糴子三升白米,明朝煑飯,一箍松箍今夜燒子箇浴湯。兌介錢半八成銀子,還箇船轎,換介三十新鑄銅錢,我打發箇叫化箇婆娘。色樣一齊完備,明朝打點早行。(懶畫眉)嬌娘早起拂裝臺,炭畫蛾眉粉彈腮。只愁裝不就好身材,畫情把衣飾來*穿戴。且喜得人家肯借來。(白)梳裝打扮完備,搖搖擺擺下子船艙。船家嘴裏也再弗說,肚裏千思百量。若能替渠歇介一夜,再貼渠介五錢箇放光。(皁羅袍)好箇風流氣象,看不肥不瘦,不短不長,端端正正坐船艙。時興衣服喬裝扮,粉香脂氣,分明是麝蘭,嬌音細語,分明是鳳凰。只聽得喚一聲家長,使我魂飄蕩。(白)船一搖搖到木瀆,轎夫鬬奪來搶。姐道眾人也弗要囉皁,聽我說介箇主張。轎錢還你一錢銀子,依我處處要行。先到穹窿山還子香愿,後到玄墓山看看假山輕堂。轉來要到天池看看石殿,再到一雲徐家坟上張張。還要看金山寺裏坐關箇和尚,天平山看看範文正公箇祠堂。前頭老實箇轎夫道我也無箇樣氣力,後頭閃*出兩箇軒矻臘箇後生。便道轎錢也弗敢多要,路上便要喫介兩遭箇酒漿。等我擡你滿山兜,便奉承你星氣力,你也弗要慌忙。姐兒坐子轎子裝模做樣,引動了多少箇後生。有箇道是出鄉箇觀音菩薩,有箇道是抄化箇陳州娘娘。(香柳娘)這擡來女娘,這擡來女娘。身材停當,鄉村■{冉阝}得神仙降。怎禁他這巧粧,怎當他這俏粧。只少箇小紅娘,鶯鶯無兩樣。看蜂喧蝶嚷,看蜂喧蝶嚷。到處生香,令人妄想。(白)看看日頭落子,姐兒肚裏又介心慌。夜晚頭邊有星走失,借別人介多呵物事,教我拿■{亻奢}陪償。慌忙趕到屋裏,撞着子多呵箇嬸娘。說弗盡路上箇景致,話弗了山上箇風光。只聽得大門呀生能介一響,再是討衣裳箇阿媽娘娘。慌忙頭上*除下子首飾,身上卸落子衣裳。兩人擡頭一看,滿身剝得精光。(歌)方纔金光參殿,像箇常熟山上新裝塑箇尊觀音佛,■{冉阝}間破珠挼撒,好像箇盤門路裏■{上並下足}烏龜算命星臭婆娘【■{上並下足}音爿。】

*第418頁。

*第419頁。

*第420頁。

*第421頁。

*第422頁。

*第423頁。

[破騌帽歌]

有介一隻山歌唱你儂聽,新翻騰打扮弄聰明。(白)也弗唱蒲鞋氈襪,也弗唱直掇海青。也弗唱絹裙綾袴,也弗唱香袋汗巾。單題唱箇頭上帽子,歷代幾樣翻新。舊時作尖頂長號,後來改子平頂鼓墩,咦有纓子朗鎖密結瓦稜。惟有小張官人頭上帽子戴又戴得箇停當,盔又盔得介娉婷。光油油露出子杭州丫髻,亮晃晃插起重慶金簪,後頭捵出子雙螭虎圈子,前頭推起子九針子網*巾。帽子帶得介長遠,年深月久成精。忽朝一日頭上說話,叫聲小張官人。我一跟跟你兩三巡黃冊,你一戴戴我二三十箇清明。春秋四季並弗曾盔頂紵絲羅帽,寒冬臘月並弗曾盔頂羢帽氈巾。總成你相交子多少姹童窠子,陪伴子若干監生舉人,看子多少提偶扮戲遊湖踏青。唱船裏人中顯貴,酒樓上鬧裏奪尊。捉箇猪膽去油,教我受子多少腌臢苦惱,捉箇百藥箭上色,教我喫子多少烏皁泥筋。板刷常常相會,引線弗曾離身。一日子修理得介停當,戴出子閶門。月城裏遇着子朋友說話,聚集子東西來往無數箇閒人。看呆子山東販騌侉子,立癡子江西販帽子箇客人。江西老鄉談弗絕,蘇州歇後語邊聲。十字街蟒龍玉烏紗冠石皮得介*測癩,老弗識波羅生荔枝圓重夕得介忒村。日頭照子好像走差次身頭上草帽,雨落濕子好像壓匾介一箇老人頭巾。捻來手裏好像拳緊介一隻偷瓜蝎,落來地上好像矗起來介一隻刺毛鶯。修騌帽見子一嚇,洗網巾喫子一驚。破靴羊毛換銅錢緝三問四,賣花換眢豆弗曾離門。小張聽得幾句言語,嚇得冷汗直淋。立來無人烟所在,探下來看介一看,真當弗像,只得去貼舊換新。欲要黃帽鋪裏去講講,咦弗好戴子進渠大門。思量無些擺佈,只得■{冉阝}借子一頂麻布頭巾。縐漫漫好像看墳箇董永,軟搭搭好像丁憂箇洞寶。遇着子承天寺裏箇和尚,定道請渠領喪,入木,撞見子玄妙觀裏道士,定道請渠退煞,念經。鄉鄰趕趁子分子,朋友怕闕子*人情。小張道箇是我裏騌兄便服,弗消得到列位介費心。無些意思介一日,只得走轉家門。家婆道你出去子介一日,阿曾幹子帽子箇正經。咳,家婆,弗要話起,走腫子箇腳底,擢痛子箇背心。餓過子箇肚裏,看花子箇眼睛。帽鋪家家走到,價錢箇箇弗等。只得反渠轉來假充一箇朗鎖戴戴,到下橋行市再尋。彈忒子齷齪,吹忒子箇灰塵。上子盔頭盔介一盔,屈剛盔子三五六星。小張搥胸跌腳,說道弗匡你介一箇收成。家婆道你也弗要大驚小怪,還幹若干正經。大塊頭兒改雙涼鞋着着,斜塊頭兒改子外公頭一束髮包巾。帽沿拿來做箇紮額,我裏夏天恍恍,碎塊頭兒做子一頂細密網巾。騌頭騌腦做箇刷牙來刷刷,零零碎碎做箇香袋薰薰。帽子*道我前世作盡子撦孽,你公婆兩箇擺佈得我介盡情。小張道騌兄大哥,帽子大人,你儂弗要出言吐氣,我儂唱介一隻曲子你聽聽:(駐雲飛)帽樣新鮮不復完,今剩缺連。一向承裝觀,今日堪埋怨。嗏,戴你不多年。帽子道儘勾你哉,如何稀爛。想是當初,修舊將咱騙。為你寃家費我錢。(白)帽子道鼓弗打弗響,鐘弗撞弗嗚。別人戴子風裏坐,你戴子我雪裏奔。憑你改長改短,我也無怒無嗔。捉我改子外公頭上束髮包巾,我也感承你頂戴,捉我改子你家婆頭上紮額,我也當得奉承。(歌)捉我改子刷牙正要擢你臭賊箇張嘴,捉我改子涼鞋正要打碎你箇老腳跟。

《遊翰瑣言》尚有《破氈襪歌》,無味,故不錄。*

*第424頁。

*第425頁。

*第426頁。

*第427頁。

*第428頁。

[山人]

說山人,話山人,說着山人笑殺人。(白)身穿着僧弗僧俗弗俗箇沿落廠袖,頭帶子方弗方圓弗圓箇進士唐巾。弗肯閉門家裏坐,肆多多在土地堂裏去安身。土地菩薩看見子,連忙起身便來迎。土地道呸,出來,我只道是同僚下降,元來到是你箇些光斯欣。光斯欣,市语,猶言光棍。】咦弗知是文職武職,咦弗知是監生舉人。咦弗知是粮長升級,咦弗知是諗書老人。咦夷來裏作揖畫卯,咦弗來裏放告投文。耍了鬧鬨鬨介挨肩了擦背,急逗逗介作揖了平身。轎夫箇箇儕做子朋友,皁隸箇箇儕扳子至親。帶累我土地也弗得安靜,無早無晚介打戶敲門。我弗知你為■{亻奢}箇事幹,仔細替我說箇元因。山人上*前齊齊作揖,告訴我裏的的親親箇土地尊神。我哩箇些人,道假咦弗假,道真咦弗真。做詩咦弗會嘲風作月,寫字咦弗會帶草連真。只因為生意淡薄,無奈何進子法門。做買賣咦喫箇本錢缺少,要教書咦喫箇學堂難尋。要算命咦弗曉得箇五行生剋,要行醫咦弗明白箇六脈浮沉。天生子軟凍凍介一箇擔輕弗得步重弗得箇肩膊,又生箇有勞勞介一張說人話人自害自身箇嘴唇。算盡子箇三十六策,只得投靠子箇有名目箇山人。陪子多少箇蹲身小坐,喫子我哩幾呵煑酒餛飩。方纔通得一箇名姓,領我見得箇大大人。雖然弗指望揚名四海,且樂得榮耀一身。嚇落子幾呵親眷,聳動子多少鄉鄰。因此上也要參參見佛,弗是我哩無事入*公門。土地聽得箇班說話,就連聲罵道箇些窵說箇猢猻。窵,音吊。】你也忒殺膽大,你也忒殺惡心。廉恥咦介掃地,鑽刺咦介通神。我見你一蜪進一蜪出,袖子裏常有手本。一箇上一箇落,口裏常說箇人情。也有時節詐別人酒食,也有時節騙子白金。硬子嘴了了說道卹孤了仗義,曲子肚腸了說道表兄了舍親。做子幾呵腰頭■{左彳右上米右下心}擦【■{左彳右上米右下心},音悉。擦,音煞。】難道只要鬧熱箇門庭。你箇樣瞞心昧已,■{冉阝}瞞得竈界六神。若還弗信,待我唱隻駐雲飛來你聽聽。(駐雲飛)笑殺山人,終日忙忙着處跟。頭戴無些正,全靠虛幫襯。嗏,口裏滴溜清,心腸墨錠。八句歪詩,嘗搭公文進。今日胥門接某大人,明日閶門送某大人。(白)山人聽子,冷汗淋身。便道土地,忒殺顯靈。大家向前討介一卦,看*道阿能勾到底太平。先前得子一箇聖笤,以後再打子兩箇翻身。土地說道在前還有青龍上卦,去後只怕白虎纏身。你也弗有消求神請佛,你也弗消得去告斗詳星。也弗消得念三官寶誥,也弗消得念救苦真經。(歌)我只勸你得放手時須放手,得饒人處且饒人。

此歌為譏誚山人管閒事而作,故末有“放手”“饒人”之句。或云張迫起先生作,非也。蓋舊有此歌,而伯起復潤色之耳。

*第429頁。

*第430頁。

*第431頁。

[魚船婦打生人相罵]

網船上婆娘童子打生箇人,一場相罵鬧淫淫。你一聲來我一白,也弗輸來也弗贏。(白)也弗贏,忒好聽,只見箇箇婆娘參起來*叫四鄰。便罵道你箇丟丟響箇烏龜弗要走子去,也搭你摟一箇六江水也渾。論起行戶中間來我搭你蘆■{上艹中广下發}上蘆■{上艹中广下發}下,稱起骨頭來稱八兩我半斤。看得別人便是鰕頭娘娘能介一點,自家便癩虼蚆■{上並下足}進子天平【■{上並下足}音尖。】別人道是善善善,倒是鰍籃裏揀出來箇一張嘴,呵呵呵再是箇旱渴精。突出子箇雙田螺頭箇眼睛,久慣要是介了魻戟詐,開子張鮎魚蝲蟽嘴,只要喫別人星。沒得又弗喫你一網兜子,終弗然撐開子船頭弗成。得知老娘是箇宿鯽箇相罵嘴,阿呀呀,氣得我箇肚皮再像子清明前箇河豚。我弗像你搭吊鰟皮箇妹子能介弗收管箇兩腳蚌,也弗像你搭黃鱨嘴家婆能介■{鼻邕}臭鱔能。當面前喫別人罵絕子箇■{魚團}鱉背,背後喫別人挖*盡子螺螄窟臀。你箇樣正叫子田鷄乾,骨裏臭,也要伸出子烏龜頭做耍人。打生箇氣得肚膨氣脹,便罵道你箇箇鵒鶨鴟箇討人。一張嘴嘗是鴉飛鵲亂,久慣是牛皮烏觔。面皮便野鷄斑起,白■{票鳥}手箇雙眼睛。連番要做箇火老鴉,人人叫你是箇白鷂鷹。你也弗曾經我介一彈,弗怕你飛上子青雲。等我送得你鶄■{庭鳥}屎直出,眼見得你搭家公寒■{章鳥}鷄能。我弗怕你搭一窠羅箇十姊妹,也弗怕你搭鷂鷹頭鶻子眼箇星小賊精。你再怪鳥能介捉人衝撞,笑你斑鳩教鵓鴣弗看自箇■{米戎}形。憑你連夜磨尖子鴨嘴,囉裏思量天鵝肉來喫星。別人家箇婆娘窮做窮乾啾啾縮在窠裏,並弗曾餂臀鳥能介着處奔奔。鳥,刀上声。】又弗是你撒食養來搭箇,■{冉阝}了要你鳥說胚*介撒村。等我夾子箇張毛鵓鴣看介,你箇檔雌鷄啼只做箇人家弗成。兩箇相罵子介一畫,聚集子兩邊兩岸無數箇閒人。指頭大箇碎囝兒盡夾鰕箝蟹夾,好像野鴨陣飛子介一村。有介一箇白頭老者喝住子兩人,說道鰕弗跳水弗動,見子兔便放箇鷹。李家箇阿姊你箇樣鰺魚頭性格囉裏去使,張家第三箇你箇箇癡鵝頭忒煞認真。各有道路,各有做人。盡弗消得老鸛跌倒,只捉嘴來撐,■{冉阝}了是介水面上使鐵搭攤浪得介盡情。西邊田裏野鴨落,你也弗去支網,東邊港裏魚扶頭,你也弗去趕青。又弗是爭田奪地,天呀,只問你相罵有耍好聽。依我勸開子罷,我老人家是一派正經。(歌)並弗是羹碗裏魚頭撥撥轉,支花野味趙談春。*

昔年有趙談春者,善詼諧。吳語謂“沒正經”曰“趙”,因曰“趙談春”云。*

*第432頁。

*第433頁。

*第434頁。

*第435頁。

*第436頁。

0

阅读 评论 收藏 转载 喜欢 打印举报/Report
  • 评论加载中,请稍候...
发评论

    发评论

    以上网友发言只代表其个人观点,不代表新浪网的观点或立场。

      

    新浪BLOG意见反馈留言板 电话:4000520066 提示音后按1键(按当地市话标准计费) 欢迎批评指正

    新浪简介 | About Sina | 广告服务 | 联系我们 | 招聘信息 | 网站律师 | SINA English | 会员注册 | 产品答疑

    新浪公司 版权所有