加载中…
个人资料
如舸斋王依民
如舸斋王依民 新浪个人认证
  • 博客等级:
  • 博客积分:0
  • 博客访问:296,283
  • 关注人气:448
  • 获赠金笔:0支
  • 赠出金笔:0支
  • 荣誉徽章:
相关博文
推荐博文
谁看过这篇博文
加载中…
正文 字体大小:

山歌八  私 情 長 歌

(2008-08-16 14:41:10)
标签:

山歌

冯梦龙

明代民歌

文化

分类: 自校纯文本古籍

山歌八  私 情 長 歌

[丟磚頭(以下俱兼說白)]

丟磚頭了搬子場,弗曾聽我情哥說一聲。我■{冉阝}間羹湯籃提子箇糠蝦來裏眼淚出,升籮裏坐子蠶■{上艹下外巾内左糹右虫}細思量。(白)細思量,細思量,我裏箇情哥是箇鐵心腸。我搬來裏子一箇月日,你也弗直得來看看張張。料道弗離箇蘇松常鎮盧鳳淮揚,■{亻奢}箇來箇銅關口外,遠處他方。你弗見我又結識子別箇依先快活,正弗知我歇歇思量。(歌)正是蓮蓬梗打人拚子私情斷,我是礱糠裏■{犀刂}魚■{左上曰左下示中耳右人}肚腸。■{犀刂}音馳。】

[田]*

姐兒私房有箇坵三角田,自小收拾在身邊。忽朝一日無錢用,將田要典我郎錢。(白)郎道姐兒呀,我有箇錢,典你箇田。要還我四址明白,囉裏連牽。姐道郎呀,我有箇田,典你箇錢。自然還你四址明白,囉裏連牽。東址白膀灣,西址大腿邊。南址三叉路口,北址肚家門前。又好插箇光頭糯,又好種箇硬梗鮮。(歌)我箇郎呀,你要日裏拔秧夜裏蒔,憑你荒年沒荒子奴箇坵田。

*第385頁。

[船]

昨夜同郎做頭眠,乾紅欄子合腮肩。四隻膀兒好像鰻鯉叉,櫓人正對子填臍邊。(白)填臍邊,填臍邊,妝子櫓掣便搖船。推箇推來扳箇扳,掀鈴吭郎浪頭顛。顛得飯潭眼裏儕是水,利市頭上弗*曾乾。打濕了一領騌蓑衣猶自可,袱包正掛在■{左木右外匚右内敢}堂前。(歌)郎道姐兒呀,我替你前長後短箇樣事務盡丟開子手,且拔起子枚頭抹乾淨子箇隻船。

*第386頁。

[木梳]

結識私情好像木梳能,我儂枉子聽你介相思結髮情。(白)喫箇鏡子來裏做眼,編■{上竹下外乚下内臣}着弗得箇蓬塵【■{上竹下外乚下內臣}音箕,竹為之,可取蛾虱。俗作偏箕,誤也。】牙刷子只等你開口,絆頭帶來裏繾筋。眉刷弗住介掠來掠去,刮舌又介掀嘴撩唇。朗梳斜連霹腳後跟趕上,剔箒來得慇懃。(歌)姐道郎呀,我聽你一通兩通也只是空來往,到弗如肥皁光光滾着子身。

[蒸籠]*

結識私情像蒸籠,要我肉面相逢弗放空。因為你會安排落來你箇圈套裏,未曾動火氣冲冲。(白)氣冲冲,氣冲冲,思思切切在心中。我為你受子幾呵頭頭腦腦盡閣在肚裏,長長短短儕聽你包容。我曾經九蒸三熯,弗是一竅弗通。你人門前捉我團團搦搦,我並弗曾恨窮。弄得我肚裏有釀,我也只弗走風。那你常時在我面上淘氣做身攋分,饅頭倒大子蒸籠。思量更介弗好,到弗如傍熱拆散子罷。省得後來冷氣直沖。(歌)姐道郎呀,我只指望你火氣退時依還聽你重相聚,囉得知後來原哄得我精空。

*第387頁。

[鑽子]

郎兒生來好像鑽子一般般,喫渠拿箇軟麻繩纏住子了弗放寬。*上箍下箍箍緊子我,你自家快活沒撥來別人鑽。(白)別人鑽,別人鑽,我郎消遣子我介兩三番。和身靠緊我來用力,一雙眼睛弗住介捉我來關關。你箇心上測得火着,我倒有氣無烟。■{冉阝}便用觔把力,再歇歇便四手乘癱。(歌)姐道我郎呀,消進消出,喫你尖酸頭弄大子我箇眼,兩人絞熱子了屑來孔門邊。

*第388頁。

[求老公(兼說白,結用《皁羅袍》三句。)]

來箇姐兒上穿青,下穿紅,手拿香盒過橋東。路上行人問道,姐兒你在囉裏去,我到處燒香求老公。(白)別人愛嫁箇老公七伶俐,八玲瓏,又長又大又充同。偏有小阿奴奴年災月悔,命犯孤窮。嫁着子介箇烏龜亡八【亡八,俗云王霸。】生得又麻又瞎又癡又聾。上床好似背板*縴,下床好似鷄踏雄。昨夜一更後,二更中,爬來小阿奴奴頭邊來學打雄。髭鬚擉痛子奴箇嘴,鼻涕流來累子奴箇胸。惹得小阿奴奴心性發,一腳踢倒在裏床東。(歌)只有五更頭小阿奴奴熬弗得,捉渠仝裝只一摸,好似烟燻蘿蔔火燒葱。(皁羅袍)這般模樣,教我怎容。因此別尋一箇好家公。

*第389頁。

[竹夫人(兼說白,中犯《排歌》三句。)]

做人弗要像箇竹夫人,受只多少炎涼自在心。硬子骨頭開子眼,看我人情勢敗像秋雲,(白)像秋雲,像秋雲,小阿奴奴原弗是低微下賤人。你只知我今日箇落運,弗如我當初箇出身。喬松是我前輩,梅花是我隨身。清風是我好友,明月是我佳寶。當初箇伯*夷叔齊也是我裏遠祖,湘妃也是我裏至親。且喜子孫繁盛,歷代有介星清名。也有人喜歡我箇高節,也有人賞鑒我箇知音。弗匡撞子箇惡作蔑片,拖出山林。捉我出皮剔骨,我只是開心見誠。揑得我兩頭弗露,做得我出路無門。露出子多少眼目,又陪子兩箇小心。挑我來十字街頭東賣也弗要,西賣也弗成。弗識貨箇見子我七孔八窮一箇光棍,識貨箇見子我玲玲瓏瓏一箇涼人。增錢買我家去,放我來紅紗帳子裏安身。搿子我恩恩愛愛,勾子我殷殷懃懃。搿子我汗弗離身,勾子我手弗離頸。指望百年同到老,囉道七月七立秋之日,風波當時起,惡念容易興。娘子官人咦道我■{石彭}腳絆手,丫頭阿姐咦咒我離眼別睛。橫弗中渠箇意,豎弗像渠*箇心。一射射我來門閣落裏,累子我滿身箇蓬塵。我喫箇傷心了唱介兩句曲子,自家嘆箇自身。(排歌)虧心漢。薄倖人,誰知轉眼就無情。(歌)世上弗是有子秋冬無春夏,你搭箇起得時人休笑我失時人。

*第390頁。

*第391頁。

[湯婆子竹夫人相罵(以下俱曲白間用)]

姐兒饅團閴垃像湯婆,人門前穩重又溫和。未到黃昏捉我■{扌匍}了摸,拿我肚皮常滾得我急箍箍。(白)急箍箍,急箍箍,情哥郎派攋忒無徒。當初拿子小阿奴奴好似珍珠瑪瑙,活寶珊瑚。道是我熱閘閘介有趣,煖烘烘介對科。弗比薰籠介礙事,又强如火炭箇腳爐。被裏時常相會,蓆上弗住介揩磨。我指望搭你無箇分開日*腳,囉得知立子春來看看捉我冷疎。丟我来踏板上理也弗理,睃也弗睃。一夜子搭箇家主婆睏在床上,說道會,吳俗相呼曰會。■{冉阝}了你弗歡喜子箇湯家裏箇。再說道渠箇年紀忒多。湯婆聽得,眼淚直鋪。官人呀,(黃鶯兒)名色號湯婆,戊戌生,年不多,湯家還是我的親生父。我只為熱心腸似火,俏寃家愛我。苦憐我被窩中准夜如撁磨,一腳就碾開奴。到如今輕風露水,你心上道如何。(白)說郎弗轉,自跌箇胸脯。恨我裏箇爺娘弄得我一點無箇還覆,枉子你也來我箇面上廢子多少工夫。我■{冉阝}間撥來別人介輕賤,算來長情倒弗如酒注茶壺。(歌)姐道郎呀,寒寒冷冷護子你多少腳,■{冉阝}間倒捉箇竹夫人做子小家婆。    竹夫人聽得子氣膨膨,出口就罵*老惜春。你是冬來我是夏,緣何牽擾阿娘身。(白)阿娘身,阿娘身,慣要來箇人前說別人。幾次人前說我懶朴要睏,箇是家主公歡喜我箇風情。你未到黃昏就叛來箇被裏,我看你■{亻奢}上頭箇點動緊。湯婆子說道,虧你羞也弗識,自道風情。我看你精赤洒洒,無介點趣向,弗如箇老太婆包包扎扎有介兩件衣身。竹夫人說道楊梅乾喫介兩箇,忒煞惡心。包包扎扎便是布頭布腦,有要綠襖紅裙。喫箇張官人■{口耍}落你箇意利好像汁罐,喫箇李大舍說你箇氣質就似湯瓶。湯婆子■{左口右上曰右下羽}面一啐,你好像燈臺弗照自身。我近看子你活像箇炭篰箇嘴臉,我遠看子你好似蟹籪箇■{米戎}形。閣子家主公多少箇毛腿,聽子家主婆幾呵箇風聲。竹夫人便說道我强*如你吞箇家主婆箇雙臭腳,强如你做箇家主公幫丁。我生來眼目清爽,肚裏一點小心。短弗局促,長弗伶仃。壯弗擂堆,瘦弗薄輕。湯婆子說道,我骨格重你兩兩,我價色多是你十分。憑你說我慳吝,强如你蔑片箇妖精。兩箇相爭鬬毆,摟子一箇黃昏。囉道是箇家主婆聽得,喝罵高聲。一箇無介點大小,一箇弗讓介點卑尊。兩箇儕跪來搭,直到更盡夜深。湯婆子對子箇竹夫人紐嘴紐面,竹夫人就說起前因。(黃鶯兒)想起舊恩情,竹夫人,浪得名。雖與他同床不得同衾枕,摟抱我在身。心兒裏感承,誰知不久成孤另。悔初心,只為趨炎附勢,如今落得冷清清。(白)囉道是箇家主公聽得,竹夫人說得傷心。(歌)家主公喝子竹夫人起來,你下*遭再弗許你箇樣劈竹性。湯婆子,你弗許你熱綽綽亂摟要溫存。

*第392頁。

*第393頁。

*第394頁。

*第395頁。

[籠燈]

姐兒生來像籠燈,有量情哥捉我尋。因為偷光犯子箇事,後來忒底壞奴名。(白)壞奴名,壞奴名,阿奴細說我郎君。你正日介來張頭望頸,眼看奴身。你道是我短又弗局蹴,長又弗伶仃。因是更了我聽你有子箇情意,一日子月黑夜暗搩子我就奔。搩,音桀。】也弗管三更半夜,也弗管雨落天陰。也弗管地下箇溝蕩,挨過子多少箇巷門。也弗管箇更鋪裏箇夜夫,也弗怕路上撞着子箇巡兵。金鑼一響,嚇得我冷汗淋身。一到到子屋裏,我方纔得箇放心。囉道是伴得你年把也弗上,你就要棄舊戀新。屈來囉裏說起,撞你介箇賊*精。郎道你弗要辭勞嘆苦,懊悔連聲。你當初白白淨淨,紫氣騰騰。你■{冉阝}間渾身好像箇油簍,滿面拌子箇灰塵。人門前全勿驁好,頭上箍子介條草繩。夜裏只好拿你來應急趟趟,日裏斡耍箇正經。還有介多呵弗好,我一發說來你聽聽。(打棗歌)怕只怕你火性兒時常不定,照了前又照子後不顧自身。一身破損通風信,長與別人好。又與小人跟,轉一箇灣兒我這裏見你的影。(白)姐兒■{左口右上曰右下羽}面介一啐,就罵箇負義薄情。你當初粹得火着介要我,一夜弗放我離身。我也弗知光輝子你多少,也弗知替你瞞子幾呵箇風聲。你只厭我眼前箇腌潤,弗念我起初箇鮮明。(歌)你捉我提得起來放得下,我只摟得你竈前火燭無一星。*

*第396頁。

*第397頁。

[老鼠]

郎兒生得好像老鼠一般般,夜裏出去偷情日裏閒。未到黃昏出來張了看,但等無人只一鑽。(白)只一鑽,只一鑽,阿奴歡喜小尖酸。來去身鬆快便,兩隻眼睛谷碌碌會看會觀。聽得人聲一躱,火光背後就縮做子一團。能會巴簷上屋,又會掾柱爬樑。也弗怕銅牆鐵壁,也弗怕戶閉門關。也弗怕竹簽笆隔,也弗怕直楞窗盤。一夜子鑽進子我箇屋裏,走到子我箇房前。扯着子箇房帘上金鈴索聲能介一響,帘,音簾。】嚇得我冷汗直鑽。我裏箇阿爹慌忙咳嗽,我裏箇阿娘口裏開談,便話道阿囡耍響。我明明裏曉得你臭賊,做勢睏着弗敢開言。箇箇臭賊當時使一箇計較,立地就用一箇機關。*口裏谷谷聲做介兩聲婆鷄叫活像,連連聲聲數介兩聲銅錢。我裏阿爹說道老阿媽,你小心些火燭,阿娘說道老老呀,沒介■{亻奢}箇報應,明朝早些起來求介一條靈籤。我裏臭賊聽得子一發膽大,連忙對子我被裏一鑽。就要搭小阿奴奴不三不四不四不三,一張嘴好似石塊,一雙腳好像冰團。(黃鶯兒)兩腳像冰團,被窩中快快鑽,偷油手段把偷香按。雖然未安,得歡且歡,只愁五箇更兒短。囑付俏心肝,他老人家醒睏,須是悄悄好遮瞞。(歌)姐道我郎呀,你沒要爬爬懶懶介趁意利,驚動我裏門角落裏睏貓團。

一云:“結識私情像老鼠一般般,未到黃昏各處去鑽。倚牆■{外門内壹}壁,轉過畫欄。穿窗入戶,到奴枕旁,奴的東西被你長偷慣。姐道老*鼠阿哥呀,今後要來須是輕腳輕手介走,沒要嚇覺我裏睏貓團。”意略同。

*第398頁。

*第399頁。

[睏弗着]

姐兒睏弗着好心焦,思量子我裏箇情哥只捉腳來跳。好像漏濕子箇文書失約子我,冷鍋裏篩油測測裏熬。(白)測測裏熬,測測裏熬,姐兒口罵殺千刀。我驀傅教寄信來叫你,你驀好像箇討冷債箇能介有多呵今日了明朝。(皁羅袍)堪嘆薄情難料,把佳期做了流水萍飄。柳絲暗結玉肌消,落紅惹得朱顏惱。情牽意掛,山長水遙。月明古驛,東風畫橋。■{冉阝}人何事還不到。(白)姐兒氣子介一氣,噎漫漫眼淚介雙拋。只見燈花連報,喜鵲連連又叫*子介多遭。姐兒正在疑惑,只聽得窗外門敲。小阿奴奴連忙趕搭出去,來窗眼裏張着子箇臭賊了便膽喪了魂消。我便開弗及箇門閂,拔弗及箇門銷。渠再一走走進子箇大門,對子房裏一跪,就來動手動腳搩住子我箇橫腰。我便做勢介一箇苦毒假意介箇心焦。(桂南枝)黃昏靜悄,我把被兒來薰了。看看等到月上花梢,杳冥冥全無消耗。聽殘更漏鼓,■{冉阝}時你方纔來到。我把臉兒變了,他跪在床前告。我假意焦,恨不得咬定牙,只是忍不住笑。(白)郎說道姐兒,我弗是戀新棄舊,只是路遠山遙。今夜我來遲失信,望你寬洪姐姐饒饒。姐兒雙手扶郎起來,你弗要支花野味了嘮叨。(歌)姐道我郎呀,好像一腳踢開子箇繡毬丟落子箇氣,做*介箇脫衣勢子聽你跌三交。

*第400頁。

*第401頁。

[歪纏]

姐兒生來眼睛鮮,弗知趣後生死命歪思纏。鏡子裏相逢只怕難着肉,籠糠絞索要繩難。(白)要繩難,要繩難,姐聽後生說一番。你無些事幹,耍了在箇條街上跳竈王箇能介奔來奔去,我看你淡滋滋耍了常坐在我裏門前。我自有正經搭別人說話,再不要你接口傳言。小男兒哭我自然會抱,囉要你進來搿搿坐坐。一味裏支花野味,我看你手裏無介半箇銅錢。你常摸進來搭我挨肩擦背,你常時捉我拽拽布衫。我匡備道要聽你苦毒跋舌,我也算後思前。我苦聽你扯破子箇面皮,你就要從頭至尾捉我來牽扳。*我雖無■{亻奢}篷塵落在你眼裏,你搭箇起男人家,好弗會生事造言。我只得耐子■{米戎}氣,足足裏喫你浪搭子介一年。一日姐兒立在大門口,瞟箇菜蔬過去,只見釣魚箇走到面前。肩頭上背子魚籠,腰裏插子箇釣竿。左手提子介一箉,右手拿子介一籃。姐兒便問箇釣魚箇,■{亻奢}魚來呵?釣魚箇口裏娘子連連。箉裏盡是宿鯽,籃裏盡是鰻鯉鰌鱔。我落色不要,鯽魚要多少銅錢?娘子,銀子二分半白臉,銅錢要廿七箇黃邊。正來裏說價錢弗了,後生看見鼻搭嘴踵趕到門前。踵,音銃。】劈手一奪拿箇箉裏播播,提箇籃裏顛顛。阿呀,箇箇活跳,真箇新鮮。煑起來好喫,煎起來又介鮮甜。我看見渠弗見介惹氣,釘子渠兩箇眼拳。我也無介氣力聽渠叉嘴,自聽賣魚箇開言。*漁翁,你那了做介生意,一日進多少銅錢?娘子呀,大箇弗肯上釣,小箇弗肯上前。大箇賣來將就買點柴米,小箇只好換些油鹽。姐兒就拿釣魚箇來借名鑿字,拿箇後生來說介一番。(打棗歌)我笑你釣魚人本是箇癡心漢,枉終朝在河邊手執着釣竿。那魚兒上你釣也要兩相情願。上了你的釣心兒上便喜,倘若不上你的釣你也枉徒然。只怕你想斷了肝腸也,看破了這雙眼。(歌)只怕你立到夜來餓到黑,■{冉阝}得箇花嘴■{魚了}鰤到嘴邊。後生見話氣膨膨,將言幾句答嬌娘。你沒要欺瞞釣魚漢,釣魚蜪裏出賢良。韓信釣魚寄食漂母,後來築壇拜將封子齊王。姜太公釣魚壽年八十得遇子文王,扶持周朝天下,至今春秋二祭風光。嚴子陵釣魚撞*着東海裏龍王,一留留進龍宮海藏。鎮日吟詩作賦飲宴,囉得知三宮主歡喜子,搭渠水晶宮裏匹配鸞凰。姐兒說道後生家囉裏學搭來油嘴,滿口盡是荒唐。姜太公韓信三歲男兒曉得,從來弗聽得■{亻奢}嚴子陵搭箇三宮主匹配鸞凰。一味裏盡是嚼蛆亂降,拿箇肯來一賞。你且去介去介,猪有猪圈,羊有羊棚。後生無些樣當,弗見更箇面光。欲要回言兩聲無點起因發角,回轉頭來看見子賣草紙箇後生。就叫賣草紙箇,你阿有蕭山,阿有富陽。賣草紙箇說無得,一頭便是包扎,一頭便是薄光。■{冉阝}買?包扎要二分箇雪去,薄光要八厘冰王。咦,弗要介多呵,包扎十箇嘉靖,薄光半分冰王。賣草紙箇拿箇扁擔一囑,看看後生,■{冉阝}了介還得介能賤,箇又要*强。你只好看看,弗能箇到手,沒要思量。後生聽得子箇兩句說話,火星就爆出子箇太陽。夾嘴兩擊,就是一箇巴掌。借名鑿字,數說嬌娘。(打棗歌)賣草紙的人,你本是狗娘養。賣不賣肯不肯由你做主張,緣何到把人冲撞。你這樣稀爛的紙,不知我也用過了許多張。你不賣與區區也,區區也不想。(歌)你箇樣爛賤箇東西方便門裏去,後來弄得粉碎臭朋朋。*

*第402頁。

*第403頁。

*第404頁。

*第405頁。

*第406頁。

0

阅读 评论 收藏 转载 喜欢 打印举报/Report
  • 评论加载中,请稍候...
发评论

    发评论

    以上网友发言只代表其个人观点,不代表新浪网的观点或立场。

      

    新浪BLOG意见反馈留言板 电话:4000520066 提示音后按1键(按当地市话标准计费) 欢迎批评指正

    新浪简介 | About Sina | 广告服务 | 联系我们 | 招聘信息 | 网站律师 | SINA English | 会员注册 | 产品答疑

    新浪公司 版权所有