加载中…
个人资料
如舸斋王依民
如舸斋王依民 新浪个人认证
  • 博客等级:
  • 博客积分:0
  • 博客访问:295,878
  • 关注人气:448
  • 获赠金笔:0支
  • 赠出金笔:0支
  • 荣誉徽章:
相关博文
推荐博文
谁看过这篇博文
加载中…
正文 字体大小:

山歌七 私 情 雜 體

(2008-08-16 14:32:34)
标签:

山歌

冯梦龙

明代民歌

文化

分类: 自校纯文本古籍

山歌七 私 情 雜 體

[篤癢(中帶說白一句)]

姐兒篤癢無藥醫,跑到東邊跑到西。梅香道姐兒拾了弗燒杓熱湯來豁豁。姐道梅香呀,你是曉得箇,熱湯只豁得外頭皮。

此哥聞之松江傅四,傅亦名姝也。松人謂“陰”為“篤”。

[田鷄(急口四句)]

百樣鳥兒百樣聲,只有青花樣箇田鷄叫得忒分明。半夜三更跳來小阿奴奴南紗窗前荷花缸根頭,金絲荷葉上,高叫三聲,低叫三聲。說道閣來呵,閣來呵。再搿搿,再搿搿,叫得小阿奴奴小肚子底下膝饅頭上的手掌大介一搭,痛弗痛,癢勿癢。好像楊六使將*軍征子九溪南蠻十八洞,得勝回朝繫在綠楊樹底下箇匹紅騌白馬箇鼻頭歇歇裏介動,又像箇隔年破傘水淋淋。

*第375頁。

[上橋(急口八句)]

郎上橋,姐上橋,風吹裙帶纏郎腰。好箇陣頭弗落得雨,青天龍掛惹人瞟。惹人瞟,惹人瞟,小阿姐兒再來紅羅帳裏造仙橋。若有村東頭,村西頭,南北兩橫頭,二十後生連垂頭。肯來小阿奴奴仙橋上過,怕郎君落水抱郎腰。

[擺祠堂(以下俱八句)]

萬苦千辛結識子箇郎,我郎君命短見閻王。爹娘面前弗敢帶重孝,短短頭梳袖裏藏。袖裏藏,袖裏藏,再來檢妝裏面擺祠堂。幾遍*梳頭幾遍哭,只見祠堂弗見郎。

*第376頁。

[借箇星(箇星,吳語。猶云“這仲東西”也。)]

郎聽姐兒借箇星,半箇時晨弗做聲。白絹汗衫掩子嘴唇迷迷裏介笑,線札羊毛筆定成。必定成,必定成,待奴奴歸去稟娘聲。娘道囡兒呀,看子我老來無人要,你後生家及早做人情。

好箇令堂。    與一卷“二十去子廿一來”隻同意。

[喫櫻桃]

日落西山影弗高,姐擔子竹榜打櫻桃。打子四九三十六箇櫻桃安來紅籃裏,要郎君摸妳喫櫻桃。喫櫻桃,話櫻桃,嫌奴奴拉閘手鏖糟。小阿奴奴金盆洗子銀盆裏過,白羅帕子轉三遭。*

摹寫郎驕姐諂,可笑可憎。

*第377頁。

[船艄婆]

船艄裏打鋪船艙裏齊,船稍婆一夜忒頑皮。喫箇船艙裏客人聽得子,朝晨頭儕對子我笑嘻嘻。笑嘻嘻,笑嘻嘻,虧你昨夜■{冉阝}忍得到曉鷄啼。小阿奴奴私房本事儕喫你聽會子去,只怕你搭家婆到弗得我介會頑皮。

[約(以下中犯《皁羅袍》四句)]

梔子花開心裏香,情哥郎約我到秋涼。梧桐葉亂,桂花又香。更更做夢,■{上穴下左爿下右言}■{上穴下左爿下右言}思量。姐道郎呀,你有口無心沒許子我,教奴奴■{冉阝}得介慢心腸。*

*第378頁。

[咒駡]

我情郎一去好希奇,經夏過秋再弗歸。歸,俗音居。】當初來往,是誰請你。如今撇我,被人說是講非。姐道郎呀,箇樣事對人前說弗得也有天知道,我只顧夜夜燒香咒駡渠。

[敲門]

拔隻金簪在門上丟丟裏介敲,姐兒連忙下地把燈挑。夜深人靜,誰人亂敲。開門去看,呀,原來是舊交。姐道郎呀,七月七箇夜頭你來得正湊子箇巧,省得小阿奴奴鑊子裏無油空自熬。

[後庭心]

姐兒生來身小眼卽伶,喫郎推倒在後庭心。硬郎不過,只得順情。*被人看見,壞奴好名。姐道郎呀,我好像黃砂石上磨刀只要快,你生蘿葡到口豁聲能。

*第379頁。

[又]

姐兒生來身小眼卽伶,喫郎推倒後庭心。硬郎不過,只得順情。霎時上叉,把好聽的叫聲。郎道姐兒呀,菓子樹上參梯終須到子我箇手,鼓當中元寶只要瞞子大大銀。

[釘鬼門]

私情起意未曾曾,咦有閒人搬來我裏箇聽。並無形迹,由他講論。雖然不信,釘奴鬼門。好像卵袋打人頭弗痛,子細思量激惱人。

[小囡兒]*

新做牆門黑鎗籬,籬籬裏面有介箇小囡兒。天災神禍,張做甚的。喫娘看見,一場是非。姐道郎呀,你好像折腳鷺絲躱在灘上,眼看子鮮魚忍肚饑。

一云:郎做子鷺紗雲頭上飛,姐做子鰺魚水面上齊。郎道姐呀,我喫箇打生舡上人多落弗得箇腳,眼看鮮魚忍肚饑。

*第380頁。

[老阿姐]

老阿姐兒去尋人,尋來尋去尋着子一箇小官人。千方百計,騙他動情。脫裙解褲,抱他上身。姐道郎呀,好像冷水裏洗瘡殺弗得我箇癢,月亮裏燈籠空掛明。

[操琴]*

姐在房中織白綾,郎來窗外手操琴。琴聲嘹喨,停梭便聽。一彈再鼓,教人動情。姐道郎呀,小阿奴奴好像七弦琴上生絲線,要我郎君懷抱作嬌聲。

*第381頁。

[綽板]

姐兒生來像箇綽板能,逢着子我郎君會綽了就緊隨身。做腔做調,忒殺好聽。要緊要慢,隨意稱心。姐道郎呀,我取你箇多記腰板生成點得好,你只沒要打差子箇迎頭截板教我冷清清。

[象棋]

結識私情像象棋,棋逢敵手費心機。渠用當頭石砲,我有士象支持。渠用卒兒■{扌手月}進,我箇馬會邪移。姐道郎呀,你攤出子將軍頭要*捉我做箇塞殺將,小阿奴奴也有箇踏車形勢兩逼車。

*第382頁。

[黃瓜]

黃瓜生來像姐兒,只為你聰脆清香括■{扌暴}子渠。一碟兩碟,千絲萬絲。蒜來伴你,想是愛喫醋的。姐道郎呀,喫你一連幾括直括到小阿奴奴子宮裏,如今水流流軟倒做一堆。

[鋸子]

結識私情好像鋸子能,來來往往忒慇懃。兩人把手,線路上行。伶牙俐齒,背後絆繩。姐道郎呀,腰裏着霎捨了能緊俏,你沒要進門便屑子了就行程。

[寂寞(中犯《皁羅袍》五句)]*

昨夜郎來熱了介忙,今夜無郎冷了介慌。千恩萬愛,思量幾場。孤燈隻影,淒涼滿床。陽臺夢杳魂飄蕩。姐道郎呀,褥子上番身無蓆摸,千條錦被弗如郎。*

*第383頁。

*第384頁。

0

阅读 评论 收藏 转载 喜欢 打印举报/Report
  • 评论加载中,请稍候...
发评论

    发评论

    以上网友发言只代表其个人观点,不代表新浪网的观点或立场。

      

    新浪BLOG意见反馈留言板 电话:4000520066 提示音后按1键(按当地市话标准计费) 欢迎批评指正

    新浪简介 | About Sina | 广告服务 | 联系我们 | 招聘信息 | 网站律师 | SINA English | 会员注册 | 产品答疑

    新浪公司 版权所有