计计下，我差唔多返咗成个月噶工了！今日第一次休息...

休息系咩定义呢？

训觉训到中午？

我今朝照样7点就起咗身...

唔做平时返工做噶嘢？

从起身到而家我都系对住部电脑...

发现我除咗返工都冇乜世艺架喇，唔知咁算系可悲定可喜，唉...

以前都唔觉自己咁有童心，返工之后发现自己唔系越来越成熟，反而系越来越幼稚，哈哈~

寻日考完CET6，今日几乎将所有宿舍噶嘢都搬晒翻屋企..感觉好似已经开始脱离学生时代咁了...

娜萍寻日同我讲，话觉得翻来学校有D陌生，又有D熟悉咁，好矛盾..

其实寻日翻到学校噶时候，我有一种好耐好耐冇翻过学校噶感觉，但是事实上我只是一个礼拜冇翻学校...

好多人都对我而家噶工作好好奇，LP话我做野个朵好响 —— 置业顾问..（的确几好听噶~）

职称叫置业顾问，其实就咪就系一个小小噶业务员..

去面试个时完全唔知咩系房地产，连要去面试噶公司叫咩名我都唔知...

都唔知一开始自己点解会想去做呢份工..

开始返工个几日，妈咪日日黑口黑面对住我，叫佢都唔理我...

得唔到屋企人噶体谅同支持虽然好唔开心，但是其实我都好谅解佢噶..

有边个父母唔想自己噶仔女一出来做野就舒舒服服，每个月攞几万蚊人工喔...

但是现实归现实，俗话都有讲喇，唔辛苦边来得世间财喔...

而且返咗呢份工之后，每日都学到好多嘢，工作环境又轻

我从几时开始发现自己中意睇书？

算系小学嚒？但是小学睇噶都系漫画...

或者初中？但是初中睇噶都系D无关紧要噶爱情小说...

定系高中？高中睇过噶书实在唔算多..哈利波特应该算系里面比较有代表价值噶一本...

唔理到底系几时开始中意睇书，迷恋买书噶呢个行为几乎可以话系与生俱来..

不过，高中毕业以来，买书转型变咗买杂志，除咗学期尾“搏杀”噶时候睇教科书之外，其余时间都好少攞起一本真正噶书来睇了...

The Book Thief / 偷书贼

11月10号，毕业旅行出发！

参与人数为班人数噶1/2，目的地系“中国的马尔代夫”即珠海噶外伶仃岛...

听到呢个咁好听噶别称，不禁要赞扬一下惗呢个标语噶人，真系好大胆，有一种唔怕si噶精神！！

出发之前，我呢世女系未搭过船噶，大伙儿（阿狗专用名词）当中，有好几个都同我一样，哈~

不过，好彩大家都净系吃嘢落肚，冇“X”翻出来！~

成条船得我地呢个角落嘈怨巴闭，哈哈~

11月将至，可以离校噶时间越来越近了...

学校陆陆续续有D公司来招聘，虽然我都系想一心一意考咗个黑人憎噶CET6之后先考虑搵实习..

但是身边D人好似只要一有面试就想去试下咁..搞到我都好鬼心大心细...

今日宿舍噶三位lady“盛装”打扮去参加格力物流噶面试~

睇来我真系要去买翻几件所谓之噶“正装”先得了...

一打开衣柜，全部T-shirt，更加唔好讲黑色西裤了...

话咁快，国庆十日假期已经pass咗7日了..

惗下之前6日做咗D咩呢..

1号至4号：7点几，起身放狗

          8点几，煮早餐

          10点，叫大细梦and阿妹起身吃早餐

          12点，煮饭

          下午，睇电视（睇到无聊就出去同狗狗玩下）

          6点，又煮饭

已经成个月冇写新野了...

可能因为大四，对于新学期已经冇乜新鲜感...

又或者系因为而家翻学如度假，日日吃饱就训，训饱就吃，根本冇乜好值得记录...

呢个月初，6800个新生报到，学校突然变得好鬼“热闹”！

（讲真，真系几唔中意咁多人..而且仲要做全校最老个届...）

一到吃饭时间，饭堂简直可以用人山人海来形容..重点系而家连外卖都好难得到，因为实在太多人...

书屋噶杂志俾D冇电脑噶新生一下就扫荡晒...

ANNA SUI 睫毛膏
唔记得具体系纤长定浓密之类噶咩了，净系记得系防水噶，好似系01号...

ANNA SUI不嬲都系girls噶爱牌，因为佢D包装好靓，而且所有嘢都有佢独特噶香味~

对于香味，其实我都颇免疫，不过都系要承

从古镇翻来之后，除咗有一晚陪妈咪去吉之岛买野之外，日日都系屋企...

虽然只是短短噶第五日，不过可以宅系屋企真系好写意~

本来准备一直宅到29号直接去跑长途，但是为咗应援吖婕，唯有今日下午跑一趟市区..

其实，有个任务俾我去完成系好事，咁我先会“滴”起心肝出街..

如果唔系，我噶DIY简易pizza唔知几时先可以试验到了..

俗语有云，金窝银窝都不及自己的狗窝~

即使我间房个天花板已经斑驳都咁噶程度，我都系最爱自己间房~

（不过有时真系会担心，训训下觉会食石灰..）

by the way, 我有个问题..我间房已经唔系面对住个海，照理来讲应该冇阿妹同妈咪噶房咁潮湿..

但是点解得我间房噶天花板会“甩皮”...

20号班大队去小花屋企BBQ！

吖颜就住系隔离，同小花车捞婷噶时候，按吖颜屋企门铃，一个劲似吖颜噶女仔走出来，我即刻大叫：“区颖颜！”

点知..原来系佢阿妹...

第一眼真系好似...

豪宅BBQ啊，几奢华，呵呵~

透炉都透咗超耐..

上礼拜六日同阿妹去咗GZ玩~

呢次噶主要行程唔系流前，唔系北京路，唔系上下九..系沙面同圣心大教堂~

好唔容易搵到北京路间7天，check in咗之后即刻搵地方吃饭..

最后噶午餐解决地点系...绿茵阁...

（嘉仪话“我地唔叫绿茵阁架，我地叫‘碌亲脚’！”）

因为时间隔得有D耐，我已经唔记得阿妹呢个饭叫咩名了...